88 tonna bıoresýrsty zańsyz shyǵarǵan transulttyq top isi sotqa joldandy
ASTANA. KAZINFORM — Ulttyq qaýipsizdik komıtetiniń qyzmetkerleri prokýratýra organdarynyń úılestirýimen strategııalyq bıoresýrstardy zańsyz shyǵarýmen aınalysqan transulttyq topqa qatysty sotqa deıingi tergep-tekserýdi aıaqtady.
Qylmystyq top Pavlodar jáne Soltústik Qazaqstan oblystarynda óndirilgen ónimdi satyp alý, óńdeý jáne saqtaýmen aınalysqan. Keıinnen taýardy almastyryp, Qyrǵyzstannan shyqqan degen jalǵan qujattar rásimdeý arqyly shekara asyryp otyrǵan.
Keden arqyly 88 tonna artemııa tsıstasy zańsyz ótkizilgen. Memleketke 142 mln teńgeden astam shyǵyn keltirildi, qazirgi ýaqytta ol tolyqtaı óteldi.
Qylmystyq is máni boıynsha qaraý úshin sotqa joldandy.
Aıta ketelik Іshki ister mınıstrligi shet memleketterdiń quqyq qorǵaý organdarymen birlesip júrgizgen aýqymdy arnaıy operatsııa barysynda adamdardy esirtki bıznesine tartýdyń transulttyq shemasyn joıǵan edi.
