8,7 mln tonna dándi daqyl eksporttaldy

ASTANA. KAZINFORM — «Qazaqstan temir joly» Ulttyq kompanııasy»aktsıonerlik qoǵamynyń málimetinshe, 2024 jylǵy qyrkúıekten 2025 jylǵy maýsymnyń 18-ine deıin jańa ónim dándi daqyldarynyń eksporty 8,7 mln tonnaǵa jetken. Bul týraly AShM málim etti.

— Bul 2023–2024 jyldardyń osyndaı kezeńimen salystyrǵanda 58,7%-ǵa artyq. Eksport kóleminiń aıtarlyqtaı artýy qazaqstandyq dándi daqyldarǵa syrtqy naryqtarda joǵary suranystyń bar ekenin dáleldeıdi jáne jetkizý geografııasyn keńeıtý men logıstıkalyq ınfraqurylymdy jetildirý boıynsha qabyldanyp jatqan sharalardyń tıimdiligin kórsetedi, — delingen habarlamada. 

Eksporttyń negizgi baǵyttarynyń qatarynda dástúrli naryqtar bar: Ózbekstan — 3,1 mln tonna (+30,3%), Tájikstan — 1,2 mln tonna (+46,1%), Aýǵanstan — 285 myń tonna (+37%), Qyrǵyzstan — 209 myń tonna (+85,5%), Iran — 963 myń tonna (17,2 ese ósim), Ázerbaıjan — 696 myń tonna (116,6 ese ósim).

Buǵan deıin habarlanǵandaı, Qazaqstan bıdaıy Vetnamǵa eksporttaldy.