87 elordalyq oqýshy Prezıdenttik olımpıadaǵa qatysady
ASTANA. 4 qarasha. QazAqparat - Astanada jalpy bilim berý mektepteriniń 11-synyp oqýshylarynyń arasynda matematıka, fızıka, hımııa jáne bıologııa pánderinen Prezıdenttik olımpıadanyń І kezeńi bolyp ótti. Bul týraly astana.kz saıtyna «Astana Daryny» óńirlik ǵylymı-praktıkalyq ortalyǵynan habarlady.
Olımpıadaǵa elordalyq mektepterden 87 oqýshy qatysady. Intellektýaldyq jarys ІІ týrmen ótedi. Olardyń árqaısysynda balalar 4 pán boıynsha, atap aıtqanda, matematıka, fızıka, hımııa jáne bıologııadan tapsyrmalar oryndaý kerek. Ekinshi kezeńde eń kóp ball jınaǵan 20 oqýshy respýblıkamyzdyń barlyq óńirinde bir ýaqytta QR BǴM ınteraktıvti stýdııasy jelisi arqyly uıymdastyrylatyn Prezıdenttik olımpıadanyń kelesi kezeńine ótedi.
Prezıdenttik olımpıadanyń negizgi maqsaty men mindetteri daryndy oqýshylardy anyqtaý úshin, olardyń ary qaraı damýyna jáne kásibı baǵytyn tabýyna qolaıly jaǵdaı jasaý, oqýshylardyń jaratylystaný-matematıka baǵytyndaǵy pánderdi oqýǵa qyzyǵýshylyǵyn oıatý, sondaı-aq teorııalyq bilim men praktıkalyq sheberlikti tereńdetý bolyp tabylady. Olımpıadanyń Tuńǵysh Prezıdent kúnine oraılastyrylǵan sońǵy kezeńi jeltoqsan aıynda Temirtaý qalasynda ótedi.
Eske sala keteıik, QR Prezıdenti N.Á. Nazarbaev 2008 jylǵy 3 shildede jaratylystaný-matematıka dıstsıplınalary salasynda daryndy jastardy qoldaý jáne odan ári damytý maqsatynda 11-synyp oqýshylarynyń arasynda matematıka, fızıka, hımııa jáne bıologııa pánderinen Prezıdenttik olımpıada ótkizýdi tapsyrǵan bolatyn.
