85 jasynda ǵylym doktory atandy
ASTANA. QazAqparat - Mýnıra Hamza esimdi musylman áıeli 85 jasynda ǵylym doktory ataǵyna qol jetkizdi. Qartaıǵanyna qaramastan ilim izdenýin toqtatpaǵan ájeı doktorlyq dıssertatsııasyn frantsýz ádebıeti taqyrybynda qorǵaǵan, dep habarlady https://muslim.kz.
Ol óziniń bul jetistigi jaıynda: «Alla Taǵala adamdardy bekerge jaratpaǵan. Adamdardyń jaratylýdaǵy maqsaty da olardyń ilim jınap, belgili bir bıikterdi baǵyndyrý dep bilemin. Ázirge aıaq-qolym aman-saý turǵanda, men ózimniń ǵylymı izdenisterimdi jalǵastyra beremin», - deıdi.
Mýnıra óziniń bul jetistigi úshin Týnıs prezıdenti Bedjı Kaıd Es-Sebsıdiń qolynan marapat ta alǵan. Qyryq jyl boıy frantsýz ádebıetinen ustazdyq etken ol zeınetkerlikke shyqqanda ne isterin bilmeı qalǵanyn aıtady. Alǵashqyda jeke menshik mektepterde qosymsha sabaq bergenimen, keıinnen ol ǵylym jolyndaǵy jetistikterin ári qaraı damytýdy qolǵa alady.
