85 jastaǵy mańǵystaýlyq sheber ulttyq qundylyqty nasıhattap júr

AQTAÝ.QazAqparat - 85 jastaǵy Mańǵystaý aýdanynyń turǵyny, sheber ulttyq qundylyqty ulyqtap júr, dep habarlaıdy QazAqparat tilshisi.

Qolónershi Sharhat Tólemisova kıiz úıdi kózdiń qarashyǵyndaı saqtap, qasterlep keledi. Mańyzdy merekeler men toı-dýmandarda kóz tartar qazaqtyń qasıetti kıiz úıin tigip, bolashaq urpaqqa nasıhattaýdan jalyqqan emes.

Sharhat Tólemisqyzy - on balany ómirge ákelgen altyn qursaqty ana. Ulttyq qolónerdi damytý, ony keleshek urpaqqa tabystaý - basty paryzym dep biledi. Osynsha jasqa kelse de kıim toqý, jún sabaý, urshyq ıirý, buıymdy oıý-órnekpen bezendirý ol kisiniń súıikti isi.

«Eldiń túkpir-túkipirinen kelgen tanymal tulǵalar meniń óz qolymnan ásemdep jasaǵan, qazaqı qalpyn saqtaǵan kıiz úıime talaı tamsanǵan», - deıdi sheber.

Kıiz úıin jyl saıyn jańartyp tigip, jabdyqtap otyrady. Іsmer jannyń ártúrli tásilmen jasaǵan buıymdary erekshe.