85 jastaǵy qarııa referendýmǵa kelip, bata berdi

TÚRKІSTAN. QazAqparat- Túrkistan oblysynyń Maqtaaral aýdanynyń 85 jastaǵy turǵyny Jandarbek Júsipov alǵashqylardyń biri bolyp referendýmda daýys berdi, dep habarlaıdy QazAqparat tilshisi.

Búgin ótip jatqan búkilhalyqtyq referendýmǵa Maqtaaral aýdanynyń turǵyndary belsene qatysyp jatyr. Ásirese, aýyldyń qarııalary, ardagerler úlken belsendilik tanytýda.

Birlik aýyldyq okrýgine qarasty Erkinabad aýylynyń turǵyny, 85 jastaǵy qarııa Jandarbek Júsipov búgingi tarıhı oqıǵanyń mán-maǵynasy, mańyzy zor ekenin atap ótti. Keńesip pishken ton kelte bolmas demekshi, Konstıtýtsııaǵa engiziletin ózgeristerdi halyqtyń daýys berýi arqyly sheshý - memleketimizdiń jańashyldyqqa, demokratııaǵa degen umtylysyn kórsetetinin aıtty.

Aýyl aqsaqaly óziniń tańdaýyn jasap, batasyn berdi.