85 jastaǵy áje úıine túsken eki uryny sabap, polıtsııaǵa ustap berdi
ASTANA. QazAqparat - Úndistandyq Ratlam qalasynda turatyn 85 jastaǵy kári ájeı úıine túsken eki uryǵa qarsylyq kórsetip, olardyń tonaýyna jol bermedi, dep jazady sheteldik BAQ.
Japa shegýshi polıtsııa qyzmetkerlerine úıde jalǵyz turatynyn aıtqan. Kúıeýi qaıtys bolǵan. Al balalary bolsa Mýmbaıda jumys isteıdi eken.
Urylar úıge kirgen kezde kempir oıanyp ketipti. Olardyń qara nıetti adamdar ekenin sezisimen, bireýin shelekpen bir qoıyp, ekinshisin taıaqtyń astyna alǵan. Osy kezde kórshileri aıǵaı shýdy estip, dereý polıtsııa shaqyrtqan. Saqshylar oqıǵa ornyna birneshe mınýt ishinde jetken. Osylaısha eki ury 85-tegi kempirden taıaq jep, qolǵa túsken.
Polıtsııa bólimshesinde ájeıge urylardy ustaý barysynda kórsetken batyldyǵy úshin 5000 rýpıı syıaqy beripti. Ol shamamen 80 dollar bolady eken.
