85 myń adam bıometrııalyq sáıkestendirý jolymen ETsQ aldy

NUR-SULTAN. QazAqparat - QR Tsıfrlyq damý, ınnovatsııalar jáne aeroǵarysh ónerkásibi mınıstrligi elektrondy tsıfrlyq qoltańbany alý tásilin túsindirdi, dep habarlaıdy QazAqparat tilshisi.

«Halyqqa qyzmet kórsetý ortalyqtary jabylǵan soń, halyqta elektrondy tsıfrlyq qoltańbany qashyqtan alý máselesi týyndady. Bul máseleni sheshtik. Qazir Elektrondy tsıfrlyq qoltańbany elektrondy túrde bir rettik qupııasózben jáne bıometrııalyq sáıkestendirý jolymen alýǵa bolady. Bul mehanızm iske qosyldy jáne 85 461 jeke tulǵa ETsQ aldy», - dedi QR tsıfrlyq damý, ınnovatsııalar jáne aeroǵarysh ónerkásibi vıtse-mınıstri Abylaıhan Ospanov Ortalyq kommýnıkatsııalar qyzmetinde.

Sonymen birge, vıtse-mınıstr zańdy tulǵalarǵa da ETsQ alý mehanızmi iske qosylǵanyn habarlady.

«1337 zańdy tulǵa elektrondy tsıfrlyq qoltańbasyn qashyqtan aldy. Kompıýter arqyly alynǵan faıldyq tasymaldaýshydaǵy ETsQ bir jylǵa deıin jaramdy. Jeke kýálikke jazylǵan ETsQ úsh jylǵa jaramdy. Bazany qarap, qazirgi ýaqytta 10 mln azamatta ETsQ bar ekenin kórip otyrmyz. ETsQ taba almaǵan azamattar da qaıtadan júginip, jańasyn alǵysy keledi - ol úshin de barlyq mehanızm jasalǵan», - dedi A. Ospanov.