85 keliden asa sazandy tyıym salynǵan ádispen aýlaǵan qapshaǵaılyq turǵyndar ustaldy
TALDYQORǴAN. QazAqparat - Qapshaǵaı turǵyny 85 kılogramnan astam sazandy tyıym salynǵan ádispen aýlaǵany anyqtaldy, - dep habarlaıdy QazAqparat tilshisi.
Zańsyz balyq aýlaǵan kúdiktini tabıǵatty qorǵaý polıtseıleri ustady.
«Tártip saqshylary balyq ınspektsııasynyń qyzmetkerlerimen birlesip, Almaty oblysynyń aýmaǵynda arnaıy sharalardy turaqty júrgizedi. Osyndaı sharalar barysynda quqyq buzýǵa beıim tulǵalardyń tabıǵat qorǵaý zańnamasynyń talaptaryn óreskel buzý derekteri áshkerelenedi jáne qoldanystaǵy zańǵa sáıkes qatań jazalanady.
Іle ózeniniń arnasyn kezekti ret baqylaý kezinde «Qapshaǵaı-Qazaqstan» avtojolynyń 19-shaqyrymynda Qapshaǵaı qalasynyń 1991 jyly týǵan turǵyny ustaldy. Polıtseıler onyń avtokóliginen jalpy salmaǵy 85,5 kg bolatyn sazan balyǵyn taýyp, zańsyz aýlanǵan taýardy tárkiledi», - delingen Almaty oblystyq Polıtsııa Departamenti baspasóz qyzmetiniń taratqan habarlamasynda.
Sonymen qatar vedomstvonyń málimetinshe, kúdiktiniń kóliginen rezeńke qaıyq pen elimizdiń zańnamasynda qoldanylýy qatań tyıym salynǵan balyq aýlaýǵa paıdalanylǵan elektr toǵynyń quraldary tabyldy.
Atalǵan derek boıynsha QR Qylmystyq kodeksiniń 335-babyna sáıkes sotqa deıingi tergeý amaldary júrgizilýde. Memleketke 300 myń teńge kóleminde materıaldyq shyǵyn keltirilgeni anyqtaldy.
