85-ke kelsem de istegennen istemegenim áli óte kóp - QR UǴA akademıgi Ábdýálı Qaıdar
ALMATY. Jeltoqsannyń 21-i. QazAqparat /Erlik Erjanuly/ - "Ǵylym salasynda júrgenime 60 jyl toldy. Áli de erinbeı eńbek ete berem, óıtkeni ony ataq úshin jasamaımyn". Ony belgili tiltanýshy ǵalym Ábdýálı Qaıdar búgin Almatydaǵy QR Prezıdenti rezıdentsııasynda Memlekettik hatshy - Syrtqy ister mınıstri Qanat Saýdabaevtyń memlekettik nagradalardy tapsyrý rásiminde aıtty,
dep habarlaıdy QazAqparat.
"Qazir 85-ke keldim. Ekinshi dúnıejúzik soǵysqa qatysqan kezdegi 5 jylymdy alyp tastasam, qalǵan 60 jylda túgel ǵylym jolynda kele jatyrmyn. Eńbegim eskerilip, buǵan deıin "Otan" ordenin aldym. Búgin Elbasy Jarlyǵymen "Qazaqstannyń eńbek sińirgen qaıratkeri" degen mártebege ıe bolyp otyrmyn. Biz ǵylym jolyndaǵy óz jumysymyzdy ataq úshin jasamaımyz", deıdi Ahmet Baıtursynuly atyndaǵy Til bilimi ınstıtýtynyń bas ǵylymı qyzmetkeri, akademık Ábdýálı Qaıdar. Áıgili tiltanýshy sońǵy jyldary "Qazaqtar qandaı halyq" jáne "Qazaqtar ana til áleminde" dep atalatyn birneshe tomdyq jańa eńbekterin jazyp shyqqan bolatyn. Qazirgi tańda "Qazaqtar qandaı halyq" degeen kitaby men "Qazaqtar ana tili áleminde" degen úsh tomdyǵynyń "Adam" degen alǵashqy tomy jaryq kórdi. "Qoǵam" jáne "Tabıǵat" degen qalǵan qalǵan eki tomy jaqyn arada shyǵady dep josparlanyp otyr.
