846 eldi mekende medıtsınalyq nysan múldem joq - mınıstr
«Alǵashqy medıtsınalyq kómek qoljetimdiligin qamtamasyz etý úshin uıymdardy irilendirý júrgizilýde. Alǵashqy medıtsınalyq kómek ǵımarattarynyń tozý deńgeıi 9 óńirde respýblıkalyq kórsetkishten joǵary. Sonymen qatar, ınfraqurylymdy jańartý sharalardyń azdyǵyna baılanysty 846 aýyldyq eldi mekende medıtsınalyq nysannyń joqtyǵyn atap ótkim keledi», - dedi mınıstr.
Sonymen qatar, ol elimizdiń óńirlerinde, ásirese aýyldyq eldi mekenderge kelgen jas mamandarǵa áleýmettik qoldaý kórsetýdiń jáne turǵyn úımen qamtamasyz etýdiń mańyzy zor ekendigin basa aıtty.
«Kóterme járdemaqy usyný boıynsha Almaty, Qostanaı jáne Jambyl oblystary jetkiliksiz jumys júrgizýde. 2019 jyly elimizdiń medıtsınalyq joǵary oqý oryndarynda 5 000-nan astam túleginiń 1515-i jalpy praktıka dáriger mamany bolady. Bul alǵashqy medıtsınalyq kómek kadrlarynyń tapshylyǵyn túgeldeı qamtýǵa jetkilikti», - dedi ol.
Onyń atap ótýinshe, jergilikti atqarýshy organdar jas mamandardy tartý maqsatynda barlyq áleýmettik qoldaý sharalaryn jasaýy qajet.
«Áleýmettik qoldaý sharalary aýyldy eldi mekendermen qatar, shaǵyn qalalarda kórsetý múmkindigi zańnamamen bekitilý qajet. Bul sol jerdegi kadr tapshylyǵyn joıýǵa múmkindik beredi. Sondaı-aq, jas mamandarǵa óz oqýyn jeke menshik medıtsınalyq uıymdarda jumyspen óteýge múmkindik berý qajet. Bul alǵashqy medıtsınalyq kómekti memlekettik-jekeshelik áriptestik tetigi arqyly damytýǵa múmkindik beredi»,- dediE.Birtanov.