845 jylǵa sottalǵan mıllıoner jazasyn 800 jylǵa jumsartýdy ótinýde
ASTANA. Naýryzdyń 25-i. QazAqparat - Qarjy alaıaqtyǵy úshin 2000 jyly eń uzaq jazaǵa - 845 jylǵa kesilgen amerıkandyq mıllıoner Sholam Vaıs sotqa jazany qaıta qaraý týraly ótinish jasady,
dep habarlaıdy ITAR-TASS agenttigi.
Nıý-Iorktik kásipker «jazasyn 35 jyl nemese sol shamalas bolýy úshin» ... 800 jylǵa jumsartýdy ótinip otyr.
2000 jyly Sholam Vaıs elektrondyq kommýnıkatsııa quraldaryn paıdalanyp bopsalaýdyń jáne alaıaqtyq jasaýdyń 75 dáleldengen oqıǵasy úshin, sondaı-aq 1994 jyly «Neshnl Herıtedj Laıf Inshýrens" saqtandyrý kompanııasy daǵdarysqa ushyraǵan kezde alaıaqtyq qylmystarǵa barǵany úshin 845 jyl túrmege jáne 300 mıllıon dollar aıyppulǵa kesilgen bolatyn. Onyń sybaılasy, broker Kıt Paýnd 740 jylǵa kesilgen edi. Biraq Paýnd túrmede 4 jyldan keıin qaıtys boldy.
Vaıstyń advokattary okrýgtiń appelıatsııalyq sotyna isti qaıta qaraý týraly ótinish berip otyr.
