84 jastaǵy kanadalyq Antarktıda muz marafonyn 12 saǵattyń ishinde júgirip ótti
TORONTO. QazAqparat – Kanadanyń Edmonton qalasynyń 84 jastaǵy turǵyny Antarktıdada marafondyq qashyqtyqty júgirip ótken eń qart adam atandy. Bul týraly CTV jazdy.
«Roı Djorgen Svenıngsen 11 saǵat 41 mınýtta «Antarktıda muz marafony» aqtyq máresin kesip ótken eń qart marafonshy atandy», - delingen materıalda.
Er adam uzaqtyqqa júgirýmen 50 jyl boıy aınalysyp keledi. Onyń maqsaty – ár qurlyqta marafonǵa qatysý. Qazirgi ýaqytta ol júgirip ótpegen tek eki qurlyq qaldy – Aýstralııa men Ońtústik Amerıka.
Svenıngsen antarktıdalyq marafonǵa bir jyl boıy daıyndalǵan, alaıda ol marafonnyń kúrdeligine qaıran qalǵan. Sol kúni qar jaýyp, aýa temperatýrasy -9 gradýsqa deıin tómendegen.
Onyń aıtýynsha, alǵashqy 20 shaqyramda qatty sharshap, júgirýdi toqtatpaq bolǵan. Degenmen, keıin ózin jigerlendirip júgirýdi jalǵastyrǵan.
Bul marafonda amerıkalyq Ýılıam Gafertı jeńiske jetti. Ol 42 shaqyrym qashyqtyqty 3 saǵat 34 mınýt 12 sekýndta baǵyndyrdy.
Antarktıdada jyl saıyn eki marafon ótedi. Ekinshi – «Qurlyqaralyq antarktıdalyq marafon» aqpanǵa, Ońtústik jarty shardaǵy eń jyly aıǵa josparlanǵan.
foto: twitter.com