84 jasar ájeıdiń qursaǵynan mýmııalanǵan 44 jyldyq uryq tabyldy
ASTANA. QazAqparat - Brazılııanyń 84 jasar turǵynynyń qursaq qýysynan dárigerler mýmııalanǵan 44 jyldyq uryqty anyqtady. Bul týraly The Daily Mail habarlady.
Osy jaıynda 7 aqpanda belgili bolǵan, ıaǵnı ájeı ishi qatty aýyrǵannan keıin Natıvıdad qalasynyń aýrýhanasyna barǵan kezde anyqtaldy. Rentgen zertteýi barysynda qart ananyń qursaǵynan 20-28 aptalyq uryqty kórsetken.
Shalǵaı aýyldyq jerde ómir súrgen osy ájeıdiń sózine qaraǵanda, 44 jyl buryn ol júkti bolǵannan keıin ishi qatty aýyryp, qınalǵan kórinedi. Osydan soń oǵan shaman bir dári berip, áıeldiń jaǵdaıy jaqsarǵan, alaıda budan keıin uryqtyń qımyly tyıylǵan eken. Sonymen qatar, ol osy kúnge deıin sol kezde túsik tastadym dep oılap kelgen.
Dárigerlerdiń aıtýynsha,ájeı ishtegi uryqqa túsik jasatýdan bas tartyp otyr.
Osy tektes sırek kezdesetin fenomen «lıtopedıon» dep atalady jáne ol jatyrdan tys júktilik kezinde uryqtyń ólimi nátıjesinde paıda bolady.
Sońǵy 400 jylda medıtsınalyq ádebıetterde lıtopedıon jaıynda 300 oqıǵa tirkelgen. Osy oraıda mýmııalanǵan uryq ananyń aǵzasynda birneshe onjyldyqtar boıy baıqalmaı saqtalyp keledi. Máselen, 2013 jyldyń jeltoqsanynda Kolýmbııada 82 jasar ájeıdiń qursaq qýysynda 40 jyldyq «tas uryq» anyqtaldy, al 2012 jyldyń aqpanynda 35 jasar lıtopedıon Úndistanda 70 jasar qart ananyń aǵzasynan tabyldy.
