84-shi «Oskar» usyný saltanatynyń jańa júrgizýshisi taǵaıyndaldy
ASTANA. 11 qarasha. QazAqparat - 84-shi Amerıka kınoakademııasynyń júldesin usyný saltanatynda júrgizýshi bolyp kúldirgi ártis Bıllı Krıstall taǵaıyndaldy.
Associated Press málimetteri boıynsha, Krıstall kandıdatýrasynyń saılanǵandyǵyn Kınoakademııa ókilderi de rastady.
Krıstalldiń ózi Twitter-degi jeke shaǵyn blogynda bylaı dep jazdy: «Oskardy» júrgizetin boldym, endi dárihanalardaǵy jas qyzdar dári satyp alýǵa barǵanymda meniń kim ekenimdi suramaıtyn boldy», dep habarlaıdy Lenta.rý.
Bıllı Krıstall buǵan deıin de Kınoakademııanyń júldesin usyný saltanatyn segiz ret júrgizgen bolatyn, eń sońǵy ret ol júrgizýshi retinde 2004 jyly shyqty.
Alǵashqyda «Oskardy» akter Eddı Merfı júrgizedi dep josparlanǵan bolatyn. Alaıda 9 qarashada Merfı bul mindetten bas tartty. Mundaı sheshimge ol «Oskar» prodıýseri taǵynan birneshe jyldar boıy seriktesip kelgen jaqyn dosy Brett Ratner ketip qalǵannan keıin keldi.
84-shi Amerıka kınoakademııasynyń júldesin usyný saltanaty Los-Andjeleste 2012 jyly 26 aqpanda ótedi.
