84 myń pavlodarlyq shetelge kóship ketken
PAVLODAR. QazAqparat - 2000-2016 jyldary Pavlodar oblysynan 84 019 azamat kóship ketken, dep habarlaıdy «QazAqparat» HAA tilshisi.
Pavlodar oblystyq ishki ister departamenti kóshi-qon polıtsııasy basqarmasynyń aqparatyna súıensek, óńirge qaıtyp kóship kelgender sany 5 ese az. Elimizdiń bul óńirinen kóship ketken adamdardyń jasy 30-40 shamasynda jáne odan kishi. Al jasy kelgen adamdar az qonys aýdarýda.
Oblystyq ІІD kóshi-qon polıtsııasy basqarmasy basshysynyń orynbasary Ermek Satybaldınovtyń aıtýynsha, «qonys aýdarýshylardyń kópshiligi qalalyq aýmaqtan: Pavlodar, Ekibastuz, Aqsýdan. Aýyldyq jerlerden óte sırek kóshedi».
Onyń pikirinshe, osyǵan qaramastan ımmıgratsııa jáne emıgratsııa protsesi halyq sanyna esh áser etpeıdi: «Bul - syrtqy kóshi-qon protsesi. Ol árdaıym bola bermek».
Shetelge qonys tepken 84 019 adamnyń 51 432-si Reseıge kóshken. Byltyrǵy jyly qonys aýdarǵandardyń 89 paıyzy Reseı Federatsııasyna ketken.
