84 947 gektar jerdi azııalyq shegirtke jaıpap ketýi qaýpi bar - Qyzylorda oblysy
QYZYLORDA. QazAqparat - Aýyl sharýashylyǵy daqyldarynyń basty jaýy - shegirtke. Al onyń taralýyn boldyrmaý úshin agrotehnıkalyq jáne fıtosanıtarııalyq kúres is-sharalary ýaqtyly júrgizilýi tıis.
Osyǵan baılanysty Syr óńirinde fıtosanıtarııalyq is-sharalardy dep kezinde, sapaly júrgizý úshin jumys toby qurylyp, jumystar bastalyp ketti.
Bul týraly Óńirlik kommýnıkatsııalar qyzmetinde ótken brıfıngte Qyzylorda oblysynyń aýmaqtyq ınspektsııa basshysynyń orynbasary Jannat Dúzelbaeva málim etti,dep habarlady QazAqparat tilshisi.
«Jumys tobynyń birinshi otyrysy ótkizilip, barlyq aýdan jáne qala ákimderine shegirtkege qarsy tıisti jumystardy ýaqtyly ári sapaly uıymdastyrý jóninde tapsyrmalar berilip, tıisti sharalar atqarylýda»,- deıdi Jannat Dúzelbaeva.
Sala mamandarynyń aıtýynsha, oblys boıynsha bıyl 68 378 gektar jer ıtalııalyq prýs shegirtkesin boldyrmaý maqsatynda óńdeledi. Al erekshe qaýipti azııalyq shegirtke jaılaýy múmkin degen aımaq 84 947 gektar bolyp otyr. Bul aýmaq ta hımııalyq óńdeýden ótedi. Óńdeý jumystaryn 27 mamyrdan 30 maýsymǵa deıin júrgizý mejelenýde.
