835 jambyldyq medıtsına qyzmetkeri vaktsına aldy
TARAZ. QazAqparat – Jambyl oblysynda 1 aqpannan bastap 835 medıtsına qyzmetkeri koronavırýs ınfektsııasyna qarsy vaktsına qabyldady, dep habarlaıdy QazAqparat tilshisi.
Erikti túrde ekpe salý kezeń-kezeńmen júrgizilýde. Oblystyq densaýlyq saqtaý basqarmasynyń málimetinshe, qazir oblys ortalyǵyndaǵy 9 emhana men óńirdiń 10 aýdanynda koronavırýs indetine qarsy vaktsınatsııa kabınetteri jumys isteýde.
«Vaktsınalarǵa arnalǵan arnaıy muzdatqysh kameralary ornatylǵan. Búginde vaktsına alǵan medıtsına qyzmetkerleriniń densaýlyǵy jaqsy. Ekpeden keıin aýrýhanaǵa túsken jaǵdaılar tirkelmedi»,-delingen basqarma habarlamasynda.
Vaktsına eń aldymen, ınfektsııa juqtyrý qaýpi bar sanalatyn medıtsına mamandaryna salynýda. Olar — juqpaly aýrýlar aýrýhanalary men jansaqtaý bólimi, qarqyndy terapııa bólimsheleriniń dárigerleri, jedel járdem qyzmetkerleri men emhanalardaǵy mamandar
Ekpe qabyldaǵan adamdar úsh kún boıy dárigerdiń baqylaýynda bolady.
Eske salsaq, tegin medıtsınalyq kómektiń kepildik berilgen kólemi aıasynda qazaqstandyqtarǵa koronavırýsqa qarsy egý tegin júrgiziledi.
Koronavırýspen aýyrǵan adamnyń antıdeneler tıtri joǵary bolsa jáne uzaq ýaqyt saqtalsa, vaktsına salýdyń qajeti joq. Al eger antıdene tıtri ýaqyt óte kele tómendese nemese tórtinshi, altynshy aıda nólge deıin tússe, onda ımmýndaý máselesi týyndaýy múmkin.
Vaktsınalaý týraly tolyq aqparatty QazAqparat agenttiginiń arnaıy aıdarynan oqýǵa bolady.
