83 jastaǵy zeınetkerdi óltirgen kúdikti Reseı asyp ketpek bolǵan
QOSTANAI. QazAqparat – Qostanaı shekara otrıadynyń qyzmetkerleri polıtseılermen birigip, «Uzynkól» shekara komendantynyń aýmaǵynda 1991 jyly týǵan Qazaqstan azamatyn qolǵa túsirdi, dep habarlaıdy QazAqparat Ulttyq qaýipsizdik komıtetiniń shekara qyzmetine silteme jasap.
Oqıǵa Mendiqara aýdanynyń Qasqat aýyly mańynda bolǵan. 30 jastaǵy er adam Reseı Federatsııasyna zańsyz ótip ketýge tyrysqan.
«Er adam qylmystyq jaýapkershilikten jaltarý úshin Reseı Federatsııasynyń shekarasyn zańsyz kesip ótpek bolǵan. Ol 83 jastaǵy zeınetkerdi óltirdi degen kúdikke ilinip otyr. Qazir kúdikti Meńdiqara aýdandyq polıtsııa bóliminde qamaýǵa alyndy», - delingen vedomstvonyń baspasóz habarlamasynda.
Kúdiktige QR QK 99-baby, 2-tarmaǵy «Kisi óltirý» boıynsha aıyp taǵyldy.
