83 jastaǵy bort qyzmetkeri zeınet demalysyna ketpek
ASTANA. 29 tamyz. QazAqparat - Kolorado shtatynyń turǵyny Ron Akana zeınetkerlikke shyǵýǵa jınaldy, dep habarlady Ýtro.rý.
Gavaı aralynda dúnıege kelgen ol týǵan jerinen jas kezinde ketip, United Airlines avıa kompanııasyna jumysqa ornalasty. Sodan beri ol kompanııada 63 jyl qyzmet etken eken. Bir kezderde áıeli de osynda jumys jasaǵan, biraq avıakompanııada eri men áıeli birge jumys jasaýǵa bolmaıtyn talap bar, sondyqtan da áıeli jumystan ketken, qazir olardyń qyzy da bort qyzmetshisi bolyp isteýde. Egde jastaǵy bort qyzmetkeri árıne jumysyn saǵynatyn bolady, biraq oǵan densaýlyǵy mursha bermeıdi. Ol eń qart qyzmetker retinde Gınnesstiń rekordtar kitabyna engen degen daqpyrt bar, biraq Gınness saıtyna engizilmegen.
United Airlined avıakompanııasy 1926 jyly qurylǵan, onda 86 myńnan astam adam jumys isteıdi. Kompanııa ushaqtary myńnan astam baǵytta 170 elde áýe qatynasyn júrgizedi.
