82 jastaǵy áıel 40 jyl boıy ishindegi bala týraly bilmegen
ASTANA. 14 jeltoqsan. QazAqparat - Kolýmbııada 82 jastaǵy áıel adamnyń ishiniń qatty aýyrýyna baılanysty dárigerlerge qaralady. Medıtsına qyzmetkerleri bastapqyda isik eken degen oıǵa keledi, alaıda rentgenge túsirgennen keıin syrqattyń shynaıy sebebi anyqtaldy. Zeınetker sońǵy 40 jylda jatyrynda týylmaǵan balany kóterip júrgen bolyp shyqty, osy ýaqytta ishtegi náreste tasqa aınalyp úlgergen.
Oǵan lıtopedıon dep atalatyn sırek kezdesetin erekshe qubylys sebep bolǵan. Jatyrdan tys júktilik kezinde ishtegi náreste ólip ketken jaǵdaıda, ony kaltsıı tuzy qaptaıdy, ol shirimeıdi ári ananyń aǵzasyn da zaqymdamaıdy eken. Jalpy, medıtsına tarıhynda mundaı jaǵdaıdyń sany 300-ge de jetpeıdi, dep jazady The New York Daily News.
