82 myń qazaqstandyq Jumyspen qamtý ortalyqtaryna júgindi
ASTANA. 6 qańtar. QazAqparat - «Jumyspen qamtý-2020» baǵdarlamasy júzege asyryla bastaǵannan beri Jumyspen qamtý ortalyqtaryna 82 myńnan astam adam júgindi,
dep habarlady Eńbek jáne halyqty áleýmettik qorǵaý mınıstrliginiń baspasóz qyzmeti Pm.kz saıtyna.
«Jergilikti atqarýshy organdardyń resmı málimetterine súıensek, 2011 jyldyń 12 jeltoqsandaǵy jaǵdaı boıynsha qaralǵan ótinishterdiń negizinde 56,2 myń adam Baǵdarlamaǵa qatysýshylardyń qataryna engizilgen, olardyń ishinde 55,6 myńy áleýmettik kelisimsharttarǵa qol qoıǵan», - delingen vedomstvo aqparatynda.
Atap aıtqanda, áleýmettik kelisimshartqa otyrǵandardyń 59,3 paıyzdan astamy - 29 jasqa deıingi jastar. Bos qyzmet oryndarynyń bazasyndaǵy tikeleı bos jumys oryndaryna ótinish bergen 5,6 myń adam jumysqa turǵyzyldy.
