82 eldiń 379 sport jýrnalısi qoıan jylynyń úzdik 10 sportshysyn anyqtady

«Alaman» ulttyq sport portalynyń málimetine qaraǵanda, sporttyq basylymdardyń halyqaralyq qaýymdastyǵy (AIPS) júrgizgen saýalnama qorytyndysynda jyldyń úzdik sportshysy bolyp serb tenısshisi Novak Djokovıch tanyldy. Novaktyń bul jetistikke jetýine byltyr úsh birdeı "Úlken dýlyǵa" týrnırinde top jarýy sep boldy. Ol 812 daýys jınady. Ekinshi satyda Lıonel Messı tur. Katalondyq "Barselona" men Argentına ulttyq quramasynyń basty "kózirinen" keıingi úshinshi oryndy ıamaıkalyq jelaıaq Ýseın Bolt enshiledi. Bolt byltyr álem chempıonatynda 100 metrge júıtkýde chempıon atanyp qana qoımaı, álem rekordyn da jańartqan bolatyn.

Áıelder arasynda norvegııalyq shańǵyshy Marıt Bergen eń kóp upaı jınap, úzdik atandy. Shańǵy jarysynan byltyr ótken álem chempıonatynda 4 altyn, 1 kúmis oljalaǵan Martınniń eńbegi jandy. Bergennen keıin alys qashyqtyqqa júgirýshi kenııalyq Vıvıan Cherýıot ekinshi satyǵa jaıǵasty.

Saýalnamaǵa qatysýshylar jyldyń úzdik klýbtaryn da anyqtady. Byltyr Chempıondar lıgasynda, Ispanııa chempıonatynda, klýbtar arasyndaǵy álem chempıonatynda top jarǵan "Barselona" úzdik klýb atandy.