81 jastaǵy «stýdent áje» ýnıversıtet dıplomyn aldy
ASTANA. QazAqparat - Tıantszın ýnıversıtetinde (Soltústik Qytaı, Tıantszın) 2018 jyly zamanaýı qashyqtyqtan bilim berý fakýltetiniń túlekterine dıplom tabystaý rásimi ótti, dep habarlaıdy Sınhýa.
Solardyń arasynda kýrsty tolyqtaı támamdaǵany týraly dıplom alǵan 81 jastaǵy «stýdent áje» Sıýe Mınsıý de boldy. 
1936 jyly jeltoqsanda dúnıege kelgen Sıýe Mınsıý 2014 jyldyń naýryzynan bastap zamanaýı qashyqtyqtan bilim berý fakýltetiniń «elektrondyq saýda» mamandyǵy boıynsha bilim alyp kelgen.
Ol 2017 jyldyń jeltoqsanynda ınformatıkadan altynshy ret emtıhan tapsyryp, ýnıversıtettegi oqýyn tabysty aıaqtaǵan.
