81 jastaǵy qostanaılyq sýǵa batyp ketti
QOSTANAI. QazAqparat - Qostanaı oblysynda 30 jastaǵy er adam men zeınetker sýǵa batyp ketti, dep habarlaıdy QazAqparat.
Oblystyq TJD soltústik óńirlik aeromobıldik jedel jasaǵynyń qyzmetkerleri Qarasý aýdanyndaǵy Qoıbaǵar ózeninen 1988 jyly týǵan er adamnyń denesin shyǵardy. Ol qaıyǵyn alyp kelý úshin sýǵa túsken. Kúshi sarqylyp, sýǵa shomylýǵa rusqat etilmegen jerde batyp ketken.
Taǵy bir oqys oqıǵa Qostanaı qalasyndaǵy «Dorojnık» saıajaı qoǵamynda bolǵan. Saıajaı turǵyndary jergilikti ózennen 1937 jyly týǵan zeınetkerdiń denesin alyp shyqty. Onyń qandaı jaǵdaıda sýǵa batyp ketkeni belgisiz.
