80 mln teńge jymqyrǵan: Shymkentte halyqaralyq izdeýde bolǵan alaıaq áıel ustaldy

ShYMKENT. KAZINFORM — Polıtsııa qyzmetkerleriniń jedel-izdestirý is-sharalarynyń nátıjesinde asa iri mólsherde jasalǵan alaıaqtyq úshin halyqaralyq izdeýde bolǵan kúdikti ustaldy.

Tergeý derekterine sáıkes, onyń shymkenttik turǵyndarǵa qatysty birqatar alaıaqtyq jaıttaryna qatysy bar. Keltirilgen jalpy materıaldyq shyǵyn kólemi 80 mıllıon teńgeden asady.

— Alaıaqtyq epızodtarynyń birinde kúdikti altyn buıymdar satýmen aınalysatyn kásipkerdiń senimine kirip, zergerlik áshekeılerin ıemdenip ketken. Sonymen qatar, ol turǵyndardan shetelge arzan baǵamen týrıstik saparlar uıymdastyramyn dep aqsha alyp, týrlardy uıymdastyrmaı, qarajatty qaıtarmaǵan. Atalǵan jaıttar boıynsha kúdiktige halyqaralyq izdeýge jarııalanǵan. Keshendi jedel-izdestirý sharalarynyń nátıjesinde áıel ustalyp, ýaqytsha ustaý ızolıatoryna qamaldy, — delingen Shymkent qalasy Polıtsııa departamenti taratqan aqparatta.

Qazirgi tańda istiń barlyq mán-jaıyn anyqtaýǵa jáne qylmystyq áreketterdiń qosymsha epızodtaryn áshkereleýge baǵyttalǵan tergeý jumystary júrgizilip jatyr.

Budan buryn Shymkentte elden tenderge dep aqsha jınaǵan ınternet-alaıaq sottalǵanyn jazǵan edik.