800 mln teńge jymqyrǵan «Astana Motorsports» komandasynyń dırektory shetelge qashyp ketken
Sybaılas jemqorlyqqa qarsy is qımyl agenttigi 2016-2017 jyldary Qazaqstandaǵy avtosportty damytýǵa bólingen qarajatty urlaý boıynsha tergeý jumystaryn júrgizýde.
«Oqý-jattyǵý jıyndary men jarystardy ótkizýge ótinimderdi joǵarylatý jolymen «Astana Motorsports» komandasynyń dırektory jáne kapıtany Artýr Ardavıchýs 800 mln teńgeden astam qarjyny jymqyrǵany anyqtaldy«, - deıdi Sybaılas jemqorlyqqa qarsy kúres qyzmetiniń ekinshi departament basshysy Sergeı Perov.
Onyń aıtýynsha, Artýr Ardavıchýs bul qarjyny qazaqstandyq jáne sheteldik kompanııalar arqyly qolma-qol aqshaǵa aınaldyryp ózi ıemdengen.
»Ardavıchýs túsinikteme berý úshin birneshe ret shaqyryldy, alaıda shetelde bolǵandyqtan kelýden bas tartty. Osy jaıttardy jáne Ardavıchýs myrzanyń qylmystyq quqyq buzýshylyq jasaǵanyn kórsetetin jetkilikti dálelderdi eskere otyryp, oǵan qatysty syrttaı «kúzetpen ustaý» túrindegi bultartpaý sharasyna sanktsııa berildi. Halyqaralyq izdeýge jarııalaý týraly materıaldar sotqa jiberildi«, - deıdi ol.
Sondaı-aq, departament basshysy tergeý amaldary arqyly urlanǵan qarjynyń naqty somasy anyqtalyp jatqanyn aıtty.