800-ge jýyq turǵyn hımııalyq ýly zattan zardap shekti

Densaýlyq saqtaý departamenti ókilderiniń aıtýynsha, barlyǵynyń júregi aınyp, basy zeńip, denelerinde bórtpeler paıda bolǵan.

Esterińizge sala keteıik, 9 qańtarda Charlston qalasyndaǵy hımııalyq zaýyttan ózenge metıltsıklogeksan aǵyp ketken bolatyn. Artynsha ýly zat qalalyq sý tartatyn júıelerge qosylǵan. Sonyń saldarynan 300 myń turǵyn aýyz sýsyz qaldy. Osyǵan oraı, Batys Vırdjınııa shtatynyń birden 9 okrýginde tótenshe jaǵdaı jarııalanǵan. El prezıdenti Barak Obama tótenshe jaǵdaı kezinde Basqarý jónindegi federaldyq agenttikke turǵyndar men jergilikti bılikke barlyq qajetti kómekti kórsetýge buıryq berdi. Qazirgi tańda apatty aımaqqa 1,4 mıllıon lıtr aýyz sý jetkizilip, ony taratý beketteri qurylǵan, dep jazady 24.kz.