800-ge jýyq shymkenttiktiń úıi ornalasqan jer memleketke qaıtaryldy
ShYMKENT. QazAqparat - Aǵymdaǵy jyly Shymkent qalasynda jalpy aýmaǵy 588,8 gektar jer telimi men 785 jyljymaıtyn múlik ornalasqan jer ýchaskeleri memleket menshigine qaıtaryldy. Shahardyń bas josparyna arnalǵan máseleler búgin qala ákiminiń tóraǵalyǵymen ótken májiliste keńinen talqylandy, dep habarlaıdy QazAqparat tilshisi.
Qalalyq jer qatynastary bóliminiń basshysy Qasymbek Saılaýovtyń sózinshe, kópqabatty turǵyn úılerdiń qurylysy úshin «Evrazııa» bazary mańyndaǵy jerler memleketke keri qaıtarylýda. Sonymen qatar, saıabaqtar men gúlzarlar qurylysy úshin Kómeshbulaq turǵyn alabynan, jol qurylysyn salý úshin «Turan» shaǵynaýdanynan jer ýchaskelerin qaıtarý jumystary júrgizilip jatyr. Qonaev dańǵyly men Ótegenov kóshesi, Ońtústik aınalma joly men Báıterek kóshesi, Almaty aınalma tas joly boıyndaǵy jer telimderi de memlekettiń qajettiligine alynbaq.
«Eń bastysy, ákimdik qyzmetkerleri jergilikti turǵyndarmen ózara tyǵyz baılanysta jumys isteı bilgeni jón. ıAǵnı, menshik ıelerine túsindirý jumystaryn júrgize otyryp, qajet bolǵan jaǵdaıda sotqa júginýge bolatynyn da eskertýi tıis. Turǵyndar óz menshigin asyra joǵary baǵalap, máseleni ýshyqtyra túspeýi kerek. Bile bilgenge, Astana men Almaty qalalarymen salystyrǵanda Shymkenttegi jer telimderiniń baǵasy áldeqaıda tómen. Sóıte tura, memleket muqtajdyǵy úshin bizder menshik ıelerine atalǵan qalalarmen bir deńgeıdegi baǵany usynýdamyz», - dedi shahar basshysy Nurlan Saýranbaev.
