800-ge jýyq adamdy óltirgen meksıkalyq qandyqol óz qylmysyn moıyndady
ASTANA. QazAqparat - Meksıkandyq Hesýs Chaves Kastılo 800-ge jýyq adamdy óltirgenin moıyndady. Ol muny AQSh konsýldyǵynyń birneshe qyzmetkeri men olardyń otbasy múshelerin óltirdi dep aıyptaǵan is boıynsha sot protsesi barysynda málimdedi, dep habarlady RIA «Novostı».
Kastılonyń aıtýynsha, ol Barrio Azteca bandysyna kirgen. Qylmystyq toptyń atamany Artýro Golegos óz bedelin kóterý úshin kúnde bireýdi oǵan óltirtip otyrǵan. Qylmysker 2010 jyly meksıkalyq Sıýdad-Hýares qalasynda ustaldy, keıinnen ol AQSh-qa tapsyryldy. Qazir ol Sıýdad-Hýares qalasynda AQSh shekarasyndaǵy amerıkandyqtardy atýǵa buıyrǵan óziniń burynǵy bastyǵyna qarsy jaýap berýde.
