80 jyl nekede bolǵan jubaılarǵa arnaıy syılyq taǵaıyndaldy
ASTANA. 8 aqpan. QazAqparat - 80 jyl boıy bir shańyraq astynda tatý-tátti ómir súrgen amerıkandyq jupqa arnaıy syılyq taǵaıyndaldy, dep habarlady reseılik «Jańalyqtar» agenttigi.
97 jastaǵy Enn Bıtar men onyń 101 jastaǵy jubaıy Djon Bıtarǵa qurmetti erekshelik belgisi jáne basqa da syılyqtardy eń berik otbasyn tańdaǵan Worldwide Marriage Encounter uıymy tapsyrady.
Bul tańdaýǵa uzaq ýaqyt boıy nekede turǵan otbasynyń týystary keńes bergen. Konnektıkýt qalasynyń eń baıyrǵy otbasyn marapattaý saltanaty aldaǵy senbi kúni 9 aqpanda ótedi.
Erli-zaıyptylardyń aıtýynsha, olar bir-birine jastaıynan ǵashyq bolǵan, biraq úılenýge asyqpaǵan. Alaıda Enn-niń ákesi qyzyn basqa bireýge turmysqa bermekshi bolady. Olar qol ustasyp, Nıý-Iorkke qashyp kelip panalap, 1932 jylǵy 25 qarashada nekege turǵan. Bıtarlardyń otbasynda bes bala dúnıege kelgen, qazir olardyń 14 nemeresi men 16 shóberesi bar.
Olar birneshe qarapaıym qaǵıdamen ómir súrgen: ómirge qushtar bolyp, barǵa qanaǵat tutqan jáne otbasy beriktigine syzat túsirmegen. «Biz ár nemeremiz ben shóberemizdiń ómirge kelgenine qýanamyz. Solar úshin ómir súremiz», deıdi baqytty otbasy ıeleri.
