80 jyl buryn joǵalyp ketken tasmanııalyq jolbarystar Avstralııadan baıqalǵan
ASTANA. QazAqparat - Avstralııanyń soltústiginde bir mezgilde birneshe turǵyn jolbarys pen qasqyrǵa uqsaıtyn erekshe ańdy baıqap qalǵan. Alaıda qandaı ańdy kórgenin olar naqty aıtyp bere almaǵan. Bul týraly Life.ru The Independent-ke silteme jasap habarlaıdy.
Ańdy kórgen azamattar men arnaıy málimetterdi salystyra kele mamandar jergilikti turǵyndar osydan 80 jyl buryn jer betinen quryp ketti, dep sanalyp kelgen tasmanııalyq jolbarysty baıqaǵan degen baılamǵa kelip otyr.
Osy oqıǵadan soń zoologtar qalaı bolǵan kúnde de qalǵan ańdardy tabý úshin Keıp-Iork jartylaı aralyna foto jáne beınebaqylaýshylardy ornatty.
Sońǵy tasmanııalyq jolbarys nemese el arasynda ala qasqyr atanyp ketken ań 1930 jyly avstralııalyq zoobaqta ólgen. Sodan beri zoologtar atalǵan ań túriniń eń quryǵanda bireýin bolsa ta tabamyz degen úmitpen júr.
