80 jastaǵy qarııanyń úıinen 62 keli «kóknár» tabyldy

TÚRKІSTAN. QazAqparat - Túrkistan oblysynyń polıtseıleri 80 jastaǵy qarııanyń aýlasynan 62 kelige jýyq egilgen «kóknár» ósimdigin tapty, dep habarlaıdy Polisia.kz.

Shardara aýdandyq polıtsııa bólimshesine jergilikti turǵyn aýlasynda esirtki ósiredi degen habarlama kelip túsedi. Muny tekserý maqsatynda KPB-niń qyzmetkerleri jedel áreket etken.​ Nátıjesinde 80 jastaǵy qarttyń úıiniń aýlasynan kútip-baptap, ósirilgen esirtkige uqsas hosh ıisti 5,5 myńǵa jýyq túp tabyldy. Aıǵaqty zat retinde tárkilenip alynǵan ósimdik 50 qap boldy. Odan bólek, aýladaǵy tapshan ústinen mata qaltashaǵa salynǵan, ózine tán hosh ıisi bar aıǵaqty zattar alyndy.

Atalǵan jaıt sotqa deıingi tergep-tekserýdiń biryńǵaı tizilimine engizilip, QR Qylmystyq kodeksiniń 296-babymen (esirtki, psıhotroptyq zattarmen, sol tektestermen, prekýrsorlarmen ótkizý maqsatynsyz zańsyz jumys isteý) tirkelip, qylmystyq is qozǵaldy.​​​​​​​​​​ Birqatar saraptama taǵaıyndaldy. Zertteý qorytyndysyna sáıkes atalmysh tórt sottyq jerge egilgen ósimdikter, salmaǵy 62 keli jýyq «Uıyqtatatyn kóknár» bolyp shyqty. Al, tapshan ústinen alynǵan zattyń jalpy salmaǵy 45 gramm «keptirilgen kóknár sabany» ekeni anyqtaldy.​​​​​​​​ Kúdikti qarııa óziniń qylmysyn tolyq moıyndap, ósimdikterdi jeke basyna paıdalaný úshin ekkendigin aıtty. Tergeý barysynda anyqtalǵandaı, kúdikti 80 jastaǵy turǵyn buryn osy tektes qylmysty jasap, úsh jylǵa sotty bolǵan. ​​​​​​​​​​​​​