80 jastaǵy áıel terezeden arqan arqyly túsemin dep qaıtys boldy
QOSTANAI. QazAqparat - Qostanaı qalasynda 80 jastaǵy ájeı kópqabatty úıden arqan arqyly túspek bolyp, qulap ketken, dep habarlaıdy QazAqparat.
Oblystyq polıtsııa departamentiniń baspasóz qyzmeti málim etkendeı, oqıǵa oblys ortalyǵynda bolǵan.
«80 jastaǵy áıel uly ekeýi úıdiń 4 qabatynda turǵan. Syrqattanyp júrgen ol dalaǵa tereze arqyly shyqpaq bolady. Kıim-keshekterden arqan jasap, tómenge túspek bolady. Arqan úzilip ketip, áıel kóz jumdy. Bul ýaqytta uly jumystarymen júrgen», - delingen vedomstvonyń baspasóz habarlamasynda.
Polıtseıler kisi óliminiń naqty sebepterin jarııalaǵan joq. Bul fakt boıynsha tergeý sharalary júrgizilýde.
