80 jastaǵy Armen Djıgarhanıan úshinshi ret úılendi
ASTANA. QazAqparat - 2015 jylǵy 3 qazanda 80 jasqa tolǵan belgili akter Armen Djıgarhanıan úshinshi ret úılendi, dep habarlady 7days.ru onlaın-basylymy beısenbi kúni, 25 aqpanda.
Onyń zaıyby 36 jastaǵy Vıtalına Tsymbalıýk-Romanovskaıa boldy.
15 jyldan beri kezdesip júrgen jup máskeýlik Gagarın AHAJ-ynda nekelerin tirkedi. Saltanatqa eń jaqyn dostary ǵana shaqyryldy. «Bizdiń jaqyndyǵymyzdy kóp adamdar bilmeıtin, Armen Borısovıchtiń azdaǵan dostary men onyń qaryndasy Marına biletin. Teatrda eshkim de bilgen joq», - dedi Tsymbalıýk-Romanovskaıa.
2015 jylǵy 18 maýsymnan bastap Tsymbalıýk-Romanovskaıa 2008 jyldan beri jumys jasap kele jatqan Djıgarhanıan teatryna dırektor boldy. Ártistiń ózi prezıdent laýazymyna otyrdy.
11 aqpanda Armen Djıgarhanıan basqaratyn Máskeý drama teatrynyń baspasóz hatshysy Natalııa Korneeva akterdiń tumaýmen syrqattanyp qalǵanyn habarlady.
Armen Djıgarhanıan - KSRO halyq ártisi, akter jáne teatr rejısser, ózi basqaratyn Máskeý drama teatrynyń negizin qalaýshy. Ol sondaı-aq «Sálematsiz be, men sizdiń apańyzbyn!», «Kezdesý ornyn ózgertýge bolmaıdy», «Erler», «Tórtinshi» «Kásibi - tergeýshi» jáne basqa da kóptegen tanymal fılmderge túsken.
