80 stýdent QR Tuńǵysh Prezıdenti Qorynyń stıpendııasyna ıe boldy
ALMATY. QazAqparat - Almatyda jyl saıynǵy QR Tuńǵysh Prezıdenti Qorynyń stýdenttik stıpendııany alý úshin ótkizetin baıqaý qorytyndysy shyqty, dep habarlaıdy QazAqparat tilshisi.
"Turan" ýnıversıtetinde stýdenttik stıpendııalardy saltanatty túrde tapsyrý rásimi ótti. Úzdik oqyǵany úshin Qazaqstannyń 80 úzdik stýdenti jyl boıy, ár aı saıyn Qordyń ataýly stıpendııasyn alatyn bolady. Konkýrstyq irikteý óte qatań boldy. Baıqaýǵa qatysýshylardyń oqýda jaqsy kórsetkishteri ǵana emes, oqý ornynyń ǵylymı jáne shyǵarmashylyq ómirinde belsendi bolýy tıis.
Baıqaýǵa Qazaqstannyń 40-tan astam joǵary oqý ornynan 500-ge jýyq ótinish tústi.
"Qor shákirtaqysy - bul tek joǵary úlgerimdi ǵana emes, sonymen qatar úlken umtylys pen tabysqa degen kúshti yntalandyrý bolyp sanalady. Qordyń negizgi baǵyttarynyń biri - talantty jastardy qoldaý. Bul baıqaý jas qazaqstandyqtardy áli de úlken jeńister men jetistikterge yntalandyrýǵa múmkindik beredi. Іrikteý barysynda barlyq stýdentter óz JOO men qalanyń qoǵamdyq ómirinde bilim men jetistikterdiń joǵary deńgeıin kórsetti", - dedi Qordyń Almatydaǵy ókildiginiń dırektory Sergeı Tohtarov.
Stýdentter shákirtaqysyn saltanatty túrde tapsyrý barysynda kontserttik baǵdarlama kórsetildi. Іs sharany tanymal "Sparta Nomad" KVN tobynyń - músheleri júrgizdi.
"Innovatsııalyq damý jáne qazirgi Qazaqstandaǵy ǵylymnyń qajettiligi" atty XII Halyqaralyq ǵylymı konferentsııanyń basynda stıpendıattardyń fotokórmesi ashylyp, onda olardyń árqaısysy ózderiniń jetistikteri men bolashaq maqsattary týraly aıtty.
Sondaı-aq, eki kúndik is-sharaǵa qatysýshylardy master-klastarmen mazmundy baǵdarlama, dóńgelek ústel jáne QR Áleýmettanýshylar men áleýmettik qyzmetkerlerdiń kúzgi mektebi kútip tur. Dóńgelek ústel jumysyna Qazaqstannyń ekonomıka jáne quqyq salasyndaǵy bilikti ǵalymdar qatysady. Olar joǵary bilim berýde adaldyq mádenıetin qalyptastyrý máselelerin talqylaıdy.
