80-shi Venetsııa kınofestıvaliniń jeńimpazdary anyqtaldy

RIM. TASS-QazAqparat – Gretsııalyq kınorejısser Iorgos Lantımostyń«Jarly-beıbaqtar» fılmi (Poor Things) 80-shi Venetsııa kınofestıvaliniń «Altyn arystan» syılyǵyna ıe boldy. Bul týraly TASS agenttigi amerıkalyq kınorejısser Demen Shazell tóraǵalyq etken halyqaralyq qazylar alqasynyń sheshimine silteme jasap jazdy, dep habarlaıdy QazAqparat.

Emma Stoýn men Ýıllem Defo somdaǵan kartına jas kelinshekti qutqarǵan ǵalym týraly baıandaıdy. Ol áıelge dúnıege kelmegen sábıiniń mıyn aýystyryp salady.

Úzdik er jáne áıel rólderi úshin Volpı kýboktary: «Estelik» (Mıshel Franko, «Memory») kartınasyna túsken Pıter Sarsgaardqa jáne «Prıstsılla» (Sofııa Koppola, Priscilla) fılminde oınaǵan Keılı Speınge buıyrdy.

80-shi Venetsııa kınofestıvaliniń qazylar alqasynyń Gran-prıi – «Kúmis arystan dy» japon rejısseri Rıýsýke Hamagýtıdiń «Aıýandyq joq» (Aku wa sonzai shinai) fılmi aldy. Onda adam men tabıǵattyń baılanysy týraly baıandalǵan.

Sondaı-aq arnaıy syılyqqa polshalyq rejısser ári stsenarııshi Agneshka Hollandtyń «Jasyl shekara» (Zielona granica) fılmi ıe boldy. Kartınada Polsha men Belarýs arasyndaǵy shekaraǵa kelgen Taıaý Shyǵys jáne Afrıka elderiniń mıgranttary týraly aıtylady.

Úzdik rejıssýra úshin «Kúmis arystan» ıtalııalyq Matteo Garronge «Men – kapıtanmyn» (Io Capitano) lentasy úshin tapsyryldy. Onda Eýropaǵa jetýge árekettengen senegaldyq eki ul bala týraly áńgimelenedi.

Úzdik stsenarıı úshin syılyqty chılılik rejısser Pablo Larraına «Graf» (El Conde) kartınasy úshin aldy. Bul – qara ıýmorǵa negizdelgen fılm, onda dıktator Aýgýsto Pınochet vampıra keıpinde kórsetilgen.