80-shi Venetsııa kınofestıvaliniń laýreattary belgili boldy
VENETsIıA. QazAqparat – Iorgos Lantımostyń «Kedeı-baqytsyzdar» lentasy 80-shi Venetsııa kınofestıvaliniń bas júldesin ıelendi. Stsenarıı boıynsha, qaza tapqan keıipker Emma Stoýnǵa týmaǵan balanyń mıyn salyp, ony tiriltedi, dep habarlaıdy QazAqparat dw.com silteme jasap.
80-shi Halyqaralyq Venetsııa kınofestıvaliniń «Altyn arystan» bas júldesin grek rejısseri Iorgos Lantımostyń «Kedeı-baqytsyzdar» («Poor Things») fılmi ıelendi. Marapattaý rásimi keshe Venetsııanyń Lıdo aralynda ótti. «Kedeı-baqytsyzdar» - dáriger Frankenshteın týraly oqıǵanyń eksperıment nusqasy. Sıýjeti boıynsha, ǵalym qaıtys bolǵan áıelge týmaǵan balanyń mıyn salyp tiriltedi. Basty róldi Emma Stoýn somdady, sondaı-aq fılm túsirilimine Ýıllem Defo men Mark Rýffalo qatysty.
Festıval qazylarynyń gran-prıi japonııalyq rejısser Rıýsýke Hamagýtıdiń qorshaǵan ortany qorǵaýǵa baılanysty «Zulymdyq joq» fılmine buıyrsa, «Kúmis arystandy» ıtalııalyq Matteo Garrone «Men kapıtanmyn» kınokartınasyndaǵy rejısserligi úshin aldy. Onda Italııaǵa Jerorta teńizi arqyly jetpek bolǵan eki senegal qashqyny beınelenedi.Qazylar alqasynyń arnaıy júldesin Belorýs-Polsha shekarasyndaǵy qashqyndardyń muńy baıandalǵan Agneshkı Hollandtyń «Jasyl shekara» fılmi aldy. «Graf» fılmi úzdik stsenarıı syılyǵyna laıyq dep tanyldy. Onda Chılı dıktatory Aýgısto Pınochet qansorǵysh beınesinde kórsetiledi. «Estelik» fılminde dementsııamen aýyratyn adamdy somdaǵan Pıter Skarsgard úzdik akter dep tanylsa, «Prıstsılla» kartınasynda Elvıs Preslıdiń áıelin oınaǵan Keılı Speını úzdik aktrısa atandy. Marchello Mastroıannı atyndaǵy úzdik akterlik debıýt syılyǵyn «Men kapıtanmyn» fılmindegi basty róli úshin Seıdý Sarr aldy.Mereıtoılyq 80-shi Venetsııa kınofestıvali 30 tamyz ben 9 qyrkúıek aralyǵynda ótti.