80 shaqyrymdyq narazylyq: Serbııa stýdentteri Novı-Sadqa sherýge shyqty

ASTANA. KAZINFORM — Serbııadaǵy stýdentterdiń narazylyǵy kúsheıip keledi. Jastar Novı-Sad qalasyna eki kúndik sherýge shyqty, dep habarlaıdy Euronews.

Olardyń pikirinshe, onda bir jyl buryn bılik salǵyrttyǵynan adamdar qaza tapqan.

Beısenbide júzdegen stýdent Belgradtan byltyr vokzaldyń shatyry qulap, 15 adam qaza tapqan Novı-Sad qalasyna 80 shaqyrym jol júrip ótken. Qaıǵyly oqıǵa sońǵy jyldardaǵy eń úlken saıası daǵdarysty týdyrdy, Belgrad pen basqa qalalardaǵy narazylyq sherýleri jalǵasyp keledi. 

— Bul marsh bizdiń qanshalyqty radıkaldy ekenimizdi, toqtamaıtynymyzdy jáne sońyna deıin barǵymyz keletinin kórsetýdiń taǵy bir joly, — dedi Belgrad tehnıkalyq ýnıversıtetiniń stýdenti Vasılıı Mılanovıch.

Stýdentter tergeýdiń ashyq júrgizilýin, kinálilerdiń jazalanýyn talap etip, vokzaldaǵy jóndeý jumystarynyń sapasyz júrgizilýine sybaılas jemqorlyq pen nepotızm sebep bolǵanyna senimdi. 

Ótken aptada narazylyq sherýleri ereýilge ulasty, sodan keıin stýdentter Belgradtyń negizgi jolyn bir kúnge jaýyp tastady.