80-nen astam ýnıversıtette terrorıstik qaýipsizdik pasporttary bekitildi
ASTANA. KAZINFORM – 2025 jyldyń 20 tamyzyna deıin joǵary oqý oryndary ǵımarattaryn jóndeý aıaqtalady. Bul týraly Úkimet otyrysynda Ǵylym jáne joǵary bilim mınıstri Saıasat Nurbek aıtty.
– Jaz aılarynda joǵary oqý oryndarynyń 58 nysany kúrdeli jóndeýden, 560-tan astam nysan aǵymdaǵy jóndeýden ótkizilip jatyr. Barlyq jóndeý jumysy 20 tamyzǵa deıin aıaqtalady. Sonymen qatar oqý ǵımarattary men jataqhanalarda beınebaqylaý júıeleri, týrnıketter, dabyl túımeleri, órtke qarsy quraldar ornalastyrylǵan. Komıssııa jiberip, tekserip aldyq. 80-nen astam ýnıversıtet nysandarynda terrorıstik qaýipsizdik pasporttary bekitilgen. Sondaı-aq lıtsenzııasy bar kúzet agenttikterimen kelisimder jasalǵan, - dedi Saıasat Nurbek.
Onyń atap ótýinshe, memlekettik qyzmetterdi alýshy negizgi tulǵa – talapker men stýdenttiń aınalasynda birtutas tsıfrlyq ekojúıe qurylyp jatyr. Bul ekojúıe talapkerdiń Biryńǵaı ulttyq testileýdi jasandy ıntellekt qoldanysymen tapsyrǵan sátinen bastap, dıplom nómiriniń onlaın-generatsııasyna deıin protsessin qamtıdy. Stýdentter men túlekter týraly barlyq derek Joǵary bilimniń biryńǵaı platformasynda jınaqtalady. Bul derekter basqa memlekettik organdar úshin etalon sanalady.
Buǵan deıin bıyl memlekettik bilim granttary 99 paıyzǵa ıgerilgenin jazǵan edik.