80-nen astam medqyzmetker shetelde biliktiligin arttyrady - ShQO
ÓSKEMEN. QazAqparat – Shyǵys Qazaqstan oblysynda 2021 jyly 80-nen astam medıtsınalyq qyzmetker shetelde biliktilik arttyrady, dep habarlaıdy QazAqparat tilshisi.
Bul jaıly oblystyq máslıhattyń kezekti sessııasynda depýtattarǵa aımaqtyń áleýmettik-ekonomıkalyq damýy jóninde esep bergen ShQO ákimi Danıal Ahmetov aıtty.
«Medıtsına salasynda adamı kapıtaldy damytý maqsatynda aýqymdy jumys atqarylýda. Biregeı medıtsınalyq jabdyqtar men álemdik deńgeıdegi zamanaýı tehnıkalar satyp aldyq. Biraq sol tehnıkalardy paıdalanatyn dárigerlerdiń bilimin jetildirmesek, olardan eshqandaı paıda bolmaıtyny túsinikti. Sondyqtan biz arnaıy baǵdarlama qabyldadyq», - dedi ol.
Aımaq basshysynyń aıtýynsha, sol baǵdarlama nátıjesinde bes jarym myń maman Ulybrıtanııanyń, Polshanyń jáne Reseıdiń klınıkalarynda oqý kýrstarynan ótip, biliktilikterin arttyrdy.
«Bıyl pandemııanyń qıyndyqtaryna qaramastan 82 maman Izraılge, Polshaǵa jáne basqa da eýropa elderine baryp, bilimderin jetildiredi. Osy baǵyttaǵy jumystar aldaǵy ýaqytta da jalǵasyn tappaq», - dedi Danıal Ahmetov.
