80-nen asa kólik polıtseıleri tósbelgilermen jáne gramotalarmen marapattaldy
Merekelik shara Qazaqstan Respýblıkasynyń Memlekettik Ánuranyn oryndaýdan bastaldy. Budan soń, departament bastyǵynyń mindetin atqarýshy polıtsııa polkovnıgi Sapar Sherıazdanov áriptesterin aıtýly merekemen quttyqtap, kúrdeli de jaýapty qyzmetterine tabystar tiledi.
El Prezıdenti Nursultan Ábishuly Nazarbaev: «Konstıtýtsııa myzǵymas memlekettigimizdiń altyn qazyǵy, birligi men yntymaǵy jarasqan eldigimizdiń buljymas baǵdary, kemel keleshegimizdiń kepili», - degen bolatyn.
Negizgi Zańnyń erejeleri men qaǵıdalaryn buljytpaı oryndaý, konstıtýtsııalyq qundylyqtardy qorǵaý - bul ár azamattyń qasıetti boryshy. «Bul rette ishki ister organdarynyń qyzmetkerleri Otan aldyndaǵy jaýapkershilikteriniń orasan ekendigin aıyryqsha sezinýleri tıis», - dedi Sapar Saǵyntaıuly.
Shara barysynda ishki ister organdarynyń ardagerleri de jınalǵandardy aıtýly merekemen quttyqtap, izgi tilek bildirdi.
Óz qyzmettik mindetterin adal atqarǵan polıtsııa starshınasy J. Alpysbaev pen polıtsııa aǵa serjanty B. Aqyshevqa QR ІІM-niń medali men gramotasy tabys etildi. Sondaı-aq, mereıli merekede joǵary nátıje kórsetken 81 qyzmetker tósbelgilermen, departament basshylyǵynyń gramotalary jáne alǵys hattarymen marapattaldy, dep habarlaıdy Kóliktegi ІІD baspasóz qyzmeti.