80 myńǵa jýyq aqmolalyq jalpyhalyqtyq dıktantqa qatysady
Aıta keterligi búkil elimiz boıynsha 2018 jyldyń 14 qarashasynda saǵat 11:00-de latyn grafıkasyndaǵy álipbıden jalpyhalyqtyq dıktant jazylady.
Atalmysh sharany uıymdastyrý, jańa əlipbıdi nasıhattaý jəne onyń jazylýy erekshelikteri týraly óńirlik kommýnıkatsııalar qyzmetinde ótken brıfıngte Aqmola oblysynyń tilderdi damytý basqarmasynyń basshysy Maral Jaqypova jəne oblystyq oqý-ədistemelik ortalyǵynyń ədiskeri Əsemgúl Qarsabaeva aıtyp berdi.
Dıktant qoǵamnyń qabyldaýyna taldaý jasaý maqsatynda uıymdastyrylyp otyr.
Mamandardyń aıtýynsha, dıktantty emle.kz, tilalemi.kz saıttarynyń basty betinde ornalasqan siltememen kompıýter nemese uıaly telefon (smartfon) arqyly kirip, belgilengen ýaqytta dıktant aýdıosyn tyńdaı otyryp jaza alady.
Brıfıng barysynda saparapshylar men til mamandary usynǵan qazaq tilinde latyn əripterimen durys jazý jobasy túsindirildi.
«Joba birqatar əripter, emleler, tynys belgileri, qysqartylǵan, birikken jəne bólingen sózderge qatysty bolyp otyr. Olardyń sońǵy nusqasyn 2019 jyldyń naýryzynda naqty bekitý josparlanǵan», - dep atap ótti Maral Jaqypova.
Uıymdastyrýshylardyń məlimeti boıynsha, jalpyhalyqtyq dıktantqa Aqmola oblysynyń shamamen 80 myńǵa jýyq turǵyny qatystyrylatyn bolady.
