80 myń jas jumyssyz júr - mınıstrlik
«Jastar arasyndaǵy jumyssyzdyq 3,8 paıyzdy quraıdy. Bul resmı statıstıka. Bizde ózin-ózi jumyspen qamtyǵandar bar ekenin bilesizder. ıAǵnı, olar resmı tirkelmegen. Biraq, jumys isteıdi, al mindetti zeınetaqy jarnalary jáne basqa da ózge aýdarymdar júrgizilmeıdi», - dedi Oljas Orbaev BAQ ókilderimen kezdesýi barysynda.
Osy rette spıker jýrnalıster saýalyna oraı jumyssyz jastardyń sany shamamen 80 myńǵa jýyqtaıtyndyǵyn atap ótti.
Buǵan deıin Eńbek jáne halyqty áleýmettik qorǵaý mınıstrligi memlekettik qyzmet kórsetýde jumystyń proaktıvti formatyn keńeıtetindigin jazǵan edik.
«Proaktıvti formattyń máni mynada. Eger buryn azamat qandaı da ómirlik jaǵdaıda qyzmet alý úshin memleketke baratyn bolsa, endigi ýaqytta bul ádisti ózgertemiz. Endi memlekettik túrli derekter bazasynyń, aqparattyq júıelerdiń arqasynda memleket adamda qandaı da bir ómirlik jaǵdaı oryn alǵanyn kóredi jáne azamattyń kelgenin kútpeıdi. Proaktıvti formatta onymen baılanysqa shyǵyp, belgili bir tólemdi, qandaı da bir qoldaý is-sharasyn alýǵa quqyǵy bar ekenin habarlaıdy. ıAǵnı, bul oraıda biz ádisti ózgertemiz. Osynaý proaktıvti ádis fılosofııasyn keńeıtetin bolamyz. Biz úshin eshkimniń de memlekettik qoldaý is-sharasynan tys qalyp qoımaýy mańyzdy», - degen bolatyn vıtse-mınıstr.
