80 mln dollar utyp alǵan amerıkalyq salyqqa 38 mln tóleıdi
MIChIGAN. QazAqparat - Amerıkanyń Mıchıgan shtatynyń 54 jastaǵy turǵyny Fılıp Chıppeva lotereıadan 80 mln dollar utyp aldy, dep habarlaıdy Fox News.
«Chıppeva lotereıa bıletterin jıi satyp alyp júrgen. Biraq, sońǵy ret alǵan bıletin óziniń júk kóliginde qaldyryp ketken. Keıin oǵan kelini habarlasyp, utysty bılet Chıppevanyń óńirinde ekenin habarlaǵan. Ol sol kezde ǵana áıeli ekeýi bıletti teksergen», - dep jazady basylym.
Utys ıegeri bıletti tekserip, 80 mıllıon dollar utyp alǵanyn bilgende kózine jas alǵanyn aıtty. Salyq tólegennen keıin ol qolyna 42 mıllıon dollar alady.
«7 balasy, 21 nemeresi bar Chıppeva eń aldymen, úı, mototsıkl jáne avtokólik alýdy josparlap otyr. Ol baılyq ony ózgertpeıtinine senimdi», dep jazady basylym. Avtordyń aıtýynsha, Chıppeva áli de jumysqa baryp júr jáne bastyǵy odan ne úshin kelgenin kúnde suraıtyn kórinedi.
