80 myń dozasy alyndy: Pavlodarda tumaýǵa qarsy egý bastalady
PAVLODAR. KAZINFORM — Ertis-Baıan óńirinde 15 qyrkúıekten bastap halyqty tumaýǵa qarsy egýdiń dástúrli naýqany bastalady. Vaktsınany tegin alýǵa bolady.
Óńirlik densaýlyq saqtaý basqarmasynyń bas shtattan tys epıdemıologi Dına Shakratovanyń aıtýynsha, turǵyndardy vaktsınalaý úshin 70 myń doza vaktsına satyp alyndy. Jaqyn kúnderi preparattyń taǵy 10 myń dozasyn satyp alý josparlanǵan.
— Aýrýdyń asqynǵan túrine shaldyqqan patsıentterdi emdeýge jatqyzý úshin oblystyń medıtsınalyq uıymdarynda 375 tósek-oryn daıyndaldy. Onyń 326-sy ınfektsııalyq profılge, al 49-y pýlmonologııalyq profılge tıesili. Qazirgi ýaqytta Biryńǵaı dıstrıbıýtor — «SQ-Farmatsııa» kompanııasy tumaýǵa qarsy vaktsınalardy ortalyqtandyrylǵan túrde satyp alýdy júrgizip jatyr, — dep málimdedi epıdemıolog maman.
Tumaýǵa qarsy vaktsınany tegin alýǵa bolady. Ol úshin ýchaskelik terapevtke nemese pedıatrǵa qaralyp, sodan keıin egilý kabınetine habarlasý qajet.
Mamandar tumaýǵa, jiti respıratorlyq vırýstyq ınfektsııalarǵa (JRVI) jáne COVID-19-ǵa epıdemıologııalyq jáne zerthanalyq qadaǵalaýdy kúsheıtti. Balabaqshalarda, mektepterde jáne basqa da bilim berý uıymdarynda balalardyń qatysýy mindetti túrde baqylaýǵa alynyp, tańǵy súzgileý júrgiziledi.
Buǵan deıin kúnniń salqyndaı túsýine baılanysty Pavlodar oblysynda qyrkúıektiń alǵashqy onkúndiginde jylý berile bastaýy múmkin ekenin jazǵanbyz.
Sondaı-aq Pavlodarda kómirdiń kenishten bosatý baǵasy kóterildi.
