80 mıllıon eýro kólemindegi rekordtyq djekpot utysy ıesiz qaldy
ASTANA. 8 jeltoqsan. QazAqparat - Jalpyeýropalyq EuroMillions lotereıasynyń jeńimpazy 180 kúnniń ishinde óziniń 80 mıllıon dollar rekordtyq djekpot utysyn alýǵa kelmedi, dep habarlady Bı-Bı-Sı.
Talap etýdiń sońǵy kúni 5 jeltoqsanda Grınvıch boıynsha saǵat 23:00-te (máskeý ýaqytymen 6 jeltoqsanda saǵat 03:00-de) aıaqtaldy. Lotereıa ókilderi kólemi jaǵynan rekordtyq ıesiz utys Ulybrıtanııa Ulttyq lotereıasynyń qaıyrymdylyq qoryna beriletinin jarııalady. Bul aqsha óner, sport, bilim, ekologııa jáne basqa da salalardaǵy jobalardy qarjylandyrýǵa jumsalatyn bolady.
Jeńimpazdy jarty jyl boıy izdedi. Osy ýaqyt ishinde bes nómirdi jáne eki Baqytty Sandy tapqan onyń ıesi baqytty bıletti Anglııanyń ońtústik-shyǵysyndaǵy Hartfordshır graftyǵynda satyp alǵany anyqtaldy.
«Mıllıonerdi» izdestirýge telearnalar men radıostansalar jumyldyryldy, lotereıa qatysýshylarynyń óz bıletterin «ábden tekserýi» jóninde áldeneshe ret qulaqqaǵys jasaldy.
