80 medıtsınalyq uıymnyń kredıtorlyq qaryzy bar

Ortalyq kommýnıkatsııalar qyzmetinde ótken brıfıngide Densaýlyq saqtaý mınıstri Ajar Ǵınııat qansha medıtsınalyq uıymnyń bereshegi bar ekenin kópshilikke málim etti, dep habarlaıdy QazAqparat tilshisi.

Vedomstvo basshysy búginde bereshek kez-kelgen medıtsına uıymynda bar ekenin atap ótti. Ol qaryzdar jyldyń sońyna deıin jabylady. Al bereshegin tólemeı, ýaqyty ótip ketken naqty 80 uıym bar.

«Uzaq merzimdi kredıtorlyq qaryzdar bolady. Eki tipti keıbir uıymdardyń osyndaı bes jyldan astam tólenbegen qaryzy bar. El boıynsha olardyń sany – 80. Búginde biz densaýlyq saqtaý basqarmalary jáne ákimdiktermen birlesip, osy uıymdardy «ońaltý» boıynsha jospar ázirledik. Qaryzy kóp uıymdar kóbine jedel medıtsınalyq kómek kórsetetin klınıkalar. Olardyń bereshegin óteý úshin bıyl ekinshi jartyjyldyqta 60 mlrd. teńge qosymsha qarajat bóldik. Jyl sońyna deıin taǵy da aqsha baǵyttaý josparlanyp otyr. Qazir biz ár medıtsınalyq uıymnyń qaryzyn jabý úshin jumys júrgizip jatyrmyz», - dedi Ajar Ǵınııat BAQ ókilderiniń saýalyna jaýap bere otyryp.

Atalǵan brıfıngi barysynda mınıstr Almaty oblysynda ógeı ákesi zorlaǵan 3 jasar egiz qyzdyń jaǵdaıyn aıtty.