80 qoı birinen soń biri jartastan sekirip ketken
ASTANA. QazAqparat - Túrkııadaǵy Mýradıe qalasy mańynda jaıylyp júrgen bir otar qoı jartastan sekirip ketken. Bul jaıly CNN Türk habarlady.
Ashatuıaqtylardyń biri jartastan shyńyraýǵa sekirgen, al budan keıin 79 qoı onyń artynan shubyra ilesken.
Baqtashy Erkan Ozerdiń aıtýynsha, ol qoılardy qutqarýǵa tyrysyp-aq baqqan, biraq kesh qalǵan kórinedi.
«Men qoılardy ústirtte baǵyp júrgen edim. Olardyń bireýi jarqabaqtan sekirdi, soǵan qaraǵan qalǵandary tap solaı istedi. Muny kórgen soń ózgeleriniń jolyn kespekke umtyldym. Biraq sol jerge jaqyndaǵan mezette 79 qoıdyń ólgenin kórdim»,- dep atap ótti baqtashy.
Turǵyndardyń biriniń sózine qaraǵanda, olar ashatuıaqtylardyń ólimine baılanysty jergilikti bılik kómektesedi degen úmitte.
