80 dollardan asady – Ulttyq bank munaı baǵasyna boljamyn jańartty
ASTANA. KAZINFORM – Brent markaly munaı baǵasy jaqyn arada ósýi múmkin. Mundaı boljamdy brıfıng barysynda Ulttyq bank basshysy Tımýr Súleımenov aıtty.
— Brent markaly munaı baǵasy qańtar basynda barreline 80,0 dollardy kórsetip, tórt aıdaǵy eń joǵary deńgeıge jetti. Baǵanyń ósýi jetkizilim úziletindeı qaýip týdyratyn AQSh-tyń Reseıge qarsy jańa sanktsııalarymen, sondaı-aq AQSh-ta munaı qorynyń qysqarýymen jáne Iranǵa qarsy salynǵan sanktsııalardyń kúsheıtilýimen baılanysty. Atalǵan faktorlar, sondaı-aq OPEK+ shekteýleri jáne geosaıası shıelenister jaqyn arada osy joǵary baǵalarǵa qoldaý kórsetetin bolady, - dedi ol.
Bul Ulttyq banktiń ótken jylǵy qarasha aıynda aqsha-kredıt saıasaty týraly jarııalaǵan baıandamasyndaǵy boljamyna qaraǵanda áldeqaıda joǵary. Onda 2025 jyly Brent markaly munaıdyń quny barreline 70 AQSh dollarynan aspaıdy delingen.
Aıta keteıik, buǵan deıin ótken jyly Kaspıı qubyr konsortsıýmy Qazaqstannan 53,8 mln tonna munaı tasymaldaǵanyn jazǵan edik.